Марий радиошто 2015 ий шыже гыч «Чаҥ» лӱман православный радиожурнал эфирыш лектеш. Тиде передачым тылзылан кок гана, вӱргече еда, 18 шагатат 40 минутлан колышташ лиеш. Радиожурнал пӱтынек православный ӱшанымашлан пӧлеклалтын. Святой Черкын кугу пайремже кузе шочмым, эртыме корныжым да кӱлешлыкшым умылтарена, святой евангелист-влакын возен кодымо Поро Увер гыч ужашым лудына. Юмын Аван иконыжо-влак нерген каласкалена, святой-влакын илыш-корнышт дене палдарена. Святой Черкын Таинствыже-влакым умылтараш марий священник-влакым йодына, илышыште вашлиялтше да шӱм-чоным тургыжландарыше тӱрлӧ йодышлан вашмутым нунын дене пырля кычалына.
Чаҥ
![17 03 2021 Чаҥ [слушать]](/upload/resize_cache/iblock/3b4/225_130_2/3b4cad140c7ea9220dfd2e3811505435.jpg "17 03 2021 Чаҥ [слушать]")
17 03 2021 Чаҥ [слушать]
Кугу пӱтӧ тӱҥалын. Тудын ик тӱҥ духовный задачыже – айдемылан шке илышыже нерген шоналташ, шке илышыштыже да койыш-шоктышыштыжо уто-ситышым ужаш да Юмо полшымо дене тудым тӧрлаташ полшаш. Кугу пӱтӧ жапыште мом шотышко налман? Тидын нерген «Чаҥ» передачыште...
![03 03 2021 "Чаҥ" [слушать]](/upload/resize_cache/iblock/f5e/225_130_2/f5e465325134c0a4049c976866eef932.jpg "03 03 2021 \"Чаҥ\" [слушать]")
03 03 2021 "Чаҥ" [слушать]
8 мартыште поро пиалан Матрона аванан мощыжым мумо кече. Святой Матрона нерген журналист Алевтина Таныгинан ямдылыме "Чаҥ" передачыште колыштса. Тыгак радиожурнал Кугу Пӱтӧ жап лишемме нерген ушештара. Теве тиде арням Лӱдыкшӧ суд нерген палдарыме...